Search Questions by
الأسئلة الشائعة
ده بيعتمد على نوع الحبوب. حبوب منع الحمل المركبة: غالبيتها بيجي في عبوات للتناول لمدة ٢٨ يوم أو ٢١ يوم ، هتاخدي حبة واحدة كل يوم لمدة ٢٨ يوم (أربع أسابيع) على التَّوالي، وبعدين ابدئي بعبوة جديدة في اليوم ال٢٩ (لو كنتي بتستخدمي عبوة ال٢٨ يوم)، أو خدي حبة واحدة كل يوم لمدة ٢١ يوم (٣ أسابيع) على التَّوالي. بعدها متاخديش أي حبوب لمدة سبع أيام (الأسبوع ال٤). هيجيلك الدورة الشهرية أثناء الأسبوع الرابع، في الفترة اللي مش بتاخدي فيها حبوب (لو كنتي بتستخدمي عبوة ال٢١ يوم). حبوب البروجستين بس: بتيجي في صورة عبوة للتناول لمدة ٢٨ يوم. كل حبوب اللي في العبوة واللي عددها ٢٨ بيكون فيها هرمونات. لازم تاخدي الحبوب اللي فيها هرمون البروجستين بس خلال نفس الساعات التلاتة كل يوم عشان تكوني محمية من فرص إنك تحملي.1
خلينا نقول إنك لو مش ناوية تحملي، دي مش هتكون أول طريقة تفكري فيها. القذف الخارجي، وهو من خلال إن الزوج بيسحب العضو الذكري قبل القذف، ودي مش وسيلة منع حمل فعالة. حتى لو الطريقة دي اتنفذت صح، الاحصائيات بتقول إن الحمل بدون قصد بيحصل عند ٢٢ ست تقريبًا من بين كل ١٠٠ ست خلال سنة واحدة عند الستات اللي بيعتمدوا على الطريقة دي لمنع الحمل. وأكيد الطريقة دي مش هتنجح كل مرة.
الموضوع مش بس إن الزوج بيكون وصل للنشوة الجنسية، المشكلة كمان إن فيه رجالة كتير الحيوانات المنوية عندها بتخرج قبل القذف. وماتنسيش، عشان تتخصب البويضة الموضوع بيحتاج حيوان منوي واحد بس.2
بعض الستات بتبقى فاكرة كدا، لكن الدراسات أثبتت إن حبوب منع الحمل مش بتأثر على الوزن بشكل كبير. بس جسمك ممكن يكون بيحتفظ بسوائل كتير، في منطقة الثدي والوركين والفخدين، وده ممكن يحسسك بإن وزنك زاد. هرمون الإستروجين الموجود في حبوب منع الحمل مش بيأثر على الخلايا الدهنية، هو بس بيخليها أكبر في الحجم، مش في العدد.3
المراجع:
1-Planned Parenthood. Control Pill. Available at : https://www.plannedparenthood.org/learn/birth-control/birth-control-pill/how-do-i-use-the-birth-control-pill , Last Accessed :(13/7/2021).
2-Planned Parenthood. Withdrawal (Pull Out Method). Available at : https://www.plannedparenthood.org/learn/birth-control/withdrawal-pull-out-method , Last Accessed :(13/7/2021).
3-Mayo Clinic. Birth Control. Available at : https://www.mayoclinic.org/healthy-lifestyle/birth-control/in-depth/birth-control-pill/art-20045136, Last Accessed :(13/7/2021).
أعمل ايه لو...
THE CONDOM BROKE
نسيت آخد حبوب منع الحمل
مارسنا العلاقة الحميمة منغير حماية
LEARN HOW TO TALK ABOUT IT WITH:
Your HCP
Your Parents
Your Partner
FIND LOCAL SUPPORT
WHICH CONTRACEPTION IS RIGHT FOR ME?
PP-PF-WHC-EG-0024-1
