خدي حبة في اليوم وماتشيليش هم!1
حبوب منع الحمل هي عبارة عن أقراص بتاخديها مرة واحدة في اليوم.5
فيه أنواع مختلفة من الحبوب. حبوب منع الحمل المُركبة بيبقى فيها الإستروجين والبروجستين، وهما هرمونات بيمنعوا المبايض من الإباضة. كمان بيزودا كثافة الطبقة المخاطية الموجودة في عنق الرحم، وده بيمنع الحيوانات المنوية من الوصول للبويضة. فيه نوع كمان اسمه حبوب منع الحمل الأحادية، وهي حبوب فيها هرمون واحد بس، وهو البروجستين، وهي تعتبر بديل للستات اللي هرمون الإستروجين بيأثر عليهم.5
لازم تاخدي حبوب منع الحمل في نفس الوقت كل يوم، سواء كنتي هتمارسي علاقة حميمة أو لأ. اسألي الدكتور هل حبوب منع الحمل المُركبة تعتبر وسيلة منع حمل مناسبة لحالتك بناءً على تاريخك الطبي ولا لأ، ولو قالك إنها مناسبة لحالتك، اسأليه عن النوع الأحسن بالنسبة ليكي.5
إزاي تاخدي الحبوب دي؟
استخدام حبوب منع الحمل سهل جدًا، بتاخدي حبة صغيرة كل يوم. لازم تاخدي حبوب منع الحمل في نفس الوقت كل يوم. ونسيان جرعة من حبوب منع الحمل بتاعتك ممكن يأثر على فعالية الحبوب دي وممكن تتفاجئي بإنك حامل بعدها. لو نسيتي تاخدي حبة واحدة أو أكتر من حبوب منع الحمل، أو بدأتي تاخديها متأخر، بصي على نشرة الدوا. لو كان عندك تساؤلات، أو لو حسيتي بأي أعراض جانبية، تواصلي مع الدكتور.3
بالنسبة لآخر حبوب في علبة حبوب منع الحمل المركبة اللي بتتاخد على ٢٨ يوم، مش بيكون فيها هرمونات. ودي بيبقى اسمها حبوب "التذكير" أو "الدواء الوهمي" - لإنها بتساعدك تفتكري تاخدي حبوب منع الحمل كل يوم وإنك تبدأي تاخدي العلبة اللي بعدها في الوقت المحدد. عدد الأيام اللي بتاخدي فيها حبوب "التذكير" اللي مفيهاش هرمونات بيعتمد على نوعها. حبوب "التذكير" ممكن يدخل في مكوناتها الحديد أو مكملات تانية. الدورة الشهرية بتيجي في خلال الأسبوع اللي بتاخدي فيه حبوب "التذكير".3
إيجابيات حبوب مَنْع الحَمْل
- ليها فعالية عالية لما تستخدميها حسب التعليمات5
- سهلة في الاستخدام3
- بتسمح بالعفوية في ممارسة العلاقة الحميمة ومواصلتها منغير مقاطعة5
- بعض حبوب منع الحمل ممكن تخفف من نزيف الدورة الشهرية الغزير والألم اللي بيكون معاها5
- وسيله آمنة لو حسيتي إنك عايزة تحملي بعدين (موانع الحمل الهرمونية ملهاش تاثير على الخصوبة على المدى البعيد)4
سلبيات حبوب مَنْع الحَمْل
- عدم الإلتزام بأخد الحبة بيقلل من فعاليتها4
- بعض الستات ممكن يكون مزاجهم متقلب أو يعانوا من الاكتئاب8
- بعض الستات ممكن تحس بألم عند الضغط على الثدي، وغثيان وصداع وزيادة في الوزن4
- مفيش حماية من الأمراض المنقولة جنسيًا، بما فيهم فيروس نقص المناعة البشرية.4
- زيادة فرص إنه يحصل ارتفاع في مستوى الكوليستيرول، والنوبات القلبية، والسكتات الدماغية.4
- زيادة فرص الإصابة بتجلطات الدم، بالذات المدخنين والستات الأكبر من 35 سنة، ده غير إن فيه فرص أكبر شوية إنه يحصل جلطات دموية، واللي بتكون مرتبطة بالأقراص اللي فيها جرعات أعلى من الإستروجين.4
- زيادة فرص الإصابة بسرطان عنق الرحم وسرطان الثدي عند الستات اللي بياخدوا حبوب منع الحمل المركبة حاليًا، ولكن الفرص دي بتقل بالتدريج لحد ما توصل للمستويات الطبيعية بمجرد ما يبطلوا ياخدوا الحبوب دي.4
-
من الأعراض الجانبية: النزيف غير المنتظم والانتفاخ.4
الأسئلة الشائعة
لا، فيه أنواع كتير لحبوب منع الحمل، وكل نوع بيختلف عن التاني شوية. المهم اتباع التعليمات اللي بتيجي مع عبوة حبوب منع الحمل بالظبط. حبوب منع الحمل لازم تتاخد حسب التعليمات، فنسيان تناولها أو لو متاخدتش في وقتها المحدد، ده بيخليها أقل فعالية. استشيري الدكتور لو كان عندك أي أسئلة بخصوص كيفية تناول حبوب منع الحمل.5
حبوب منع الحمل هي واحدة من أكتر وسائل منع الحمل اللي تقدري تعتمدي عليها، وده لإنها بتقدملك درجة عالية جدًا من الحماية من فرصة إنك تحملي لما تاخديها حسب التعليمات.9
لا. الدكتور هيسألك عن تاريخك الطبي والأدوية اللي بتاخديها عشان يعرف يحدد نوع حبوب منع الحمل المناسبة ليكي.4
حبوب منع الحمل بيدخل في مكوناتها هرمونين طبيعيين وهما البروجستين والإستروجين. بعض حبوب منع الحمل بيبقى فيها بروجستين بس، والنوع اللي بيكون مكون من تركيبة البروجستين والإستروجين، بيسمى بحبوب منع الحمل المزدوجة.
حبوب منع الحمل المزدوجة بتخلي جسمك كإنه في حالة الحمل، حتى لو ماكنتيش حامل، وبتمنع الجسم من عملية الإباضة. وكمان بتزود من كثافة الطبقة المخاطية الموجودة في عنق الرحم، وده بيصعب على الحيوانات المنوية إنها تعدي من خلاله.
بالنسبة لحبوب منع الحمل اللي فيها هرمون البروجستين بس، بتزود كثافة الطبقة المخاطية الموجودة في مدخل الرحم. وكمان ممكن تمنع عملية الإباضة من إنها تحصل عند بعض الستات.4
لا، مش لازم تاخدي "استراحة من حبوب منع الحمل" إلا لو عايزة تحملي.3 موانع الحمل الهرمونية ملهاش أي تأثير على الخصوبة على المدى الطويل حتى لو فضلتي تاخدتيها سنين.10
ده بيعتمد على نوع الحبوب. حبوب منع الحمل المركبة: غالبيتها بيجي في عبوات للتناول لمدة ٢٨ يوم أو ٢١ يوم ، هتاخدي حبة واحدة كل يوم لمدة ٢٨ يوم (أربع أسابيع) على التَّوالي، وبعدين ابدئي بعبوة جديدة في اليوم ال٢٩ (لو كنتي بتستخدمي عبوة ال٢٨ يوم)، أو خدي حبة واحدة كل يوم لمدة ٢١ يوم (٣ أسابيع) على التَّوالي. بعدها متاخديش أي حبوب لمدة سبع أيام (الأسبوع ال٤). هيجيلك الدورة الشهرية أثناء الأسبوع الرابع، في الفترة اللي مش بتاخدي فيها حبوب (لو كنتي بتستخدمي عبوة ال٢١ يوم). حبوب البروجستين بس: بتيجي في صورة عبوة للتناول لمدة ٢٨ يوم. كل حبوب اللي في العبوة واللي عددها ٢٨ بيكون فيها هرمونات. لازم تاخدي الحبوب اللي فيها هرمون البروجستين بس خلال نفس الساعات التلاتة كل يوم عشان تكوني محمية من فرص إنك تحملي.3
لازم نطمن الستات اللي استخدموا "موانع الحمل اللي بتتاخد عن طريق الفم" لمدة أربع سنين أو أكتر إن مفيش أي دليل بيقول إن استخدام موانع الحمل اللي بتتاخد عن طريق الفم على المدى الطويل بيأثر بشكل سلبي في القدرة على الحمل. واللي عملوا أبحاث في الموضوع لقوا إن الستات اللي بتستخدم موانع الحمل اللي بتتاخد عن طريق الفم على المدى الطويل، مش بيختلفوا خالص عن الستات اللي بيستخدموها على المدى القصير، وإن الحالتين عانوا من تأخير مؤقت في إن الخصوبة ترجعلهم لما نقارنهم باللي بطلوا يستعملوا وسائل منع الحمل العازلة. وقالوا كمان إن استخدام موانع الحمل اللي بتتاخد عن طريق الفم على المدى الطويل بتخلي احتمالية الحمل أكبر بالمقارنة بالاستخدام لفترة أقل من سنتين.10
مهم جدًا تبقي عارفة إنك لو اتشخصتي بسرطان الثدي، مش المفروض إنك تاخدي وسائل منع الحمل اللي فيها هرمونات. فيه أدلة بتقول إن موانع الحمل الهرمونية ممكن تزود من فرص إن السرطان يرجع.11
المراجع:
1-Planned Parenthood. Birth Control Pill. Available at : Reference Last Accessed :(8/7/2021).
2-NHS. How effective is contraception at preventing pregnancy. Available at : Reference Last Accessed:12/7/2021.
3-Planned Parenthood. How do I use the birth control pill. Available at: Reference Last Accessed :(8/7/2021).
4-Mayo Clinic. Birth Control. Available at : Reference Last Accessed :(8/7/2021).
5-Queen'sland Health. 9 types of contraception you can use to prevent pregnancy. Available at : Reference Last Accessed :(8/7/2021).
6-FDA. Birth Control. Available at: Reference Last Accessed :(12/7/2021).
7-American Society of reproductive medecine. Noncontraceptive Benefits of Birth Control Pills. Available at : Reference Last Accessed :(8/7/2021).
8-Women's Mental Health. Do Oral Contraceptives Cause Mood Swings or Depression. Available at: Reference Last Accessed :(8/7/2021).
9-Planned Parenthood. What are the benefits of the birth control pill?. Available at: Reference Last Accessed :(8/7/2021).
10-School of Public Health. Long-term Oral Contraceptive Use Doesn’t Hurt Fertility, Study Finds. Available at: Reference Last Accessed :(8/7/2021).
11-Breast Cancer.org. Do Hormonal Contraceptives Increase Breast Cancer Risk. Available at: Reference Last Accessed :(8/7/2021).
SF0087OA727/042023
02/04/2025
PP-PF-WHC-EG-0031-1
