إيه اللي بيحصل في سن البلوغ؟
- جسمك بيبدأ يفرز هرمونات بتسبب نمو الشعر في مناطق مكانش بيطلع فيها قبل كده، منطقة العانة وتحت الذراع، وبالنسبة للرجالة، الشعر بينمو في الوش كمان.2
- نمو الثدي وتغير شكل الجسم عشان يبقى أكتر أنوثة، بالإضافة لاتساع عرض الوركين.2
- فترات الحيض ممكن تكون مش منتظمة في البداية، واحتمال تظهر إفرازات مهبلية شفافة أو بيضا قبل الدورة الشهرية.2
ايه اللي بيحصل؟
ايه اللي بيحصل لجسمك؟
البلوغ هو ببساطة سلسلة من التغييرات الطبيعية اللي بيمر بيها كل طفل، فيه أطفال ممكن تعاني في مرحلة البلوغ، لكن فيه أطفال تانية بتعدي بمرحلة البلوغ من غير أي مشاكل. فيه بس نسبة صغيرة من الأطفال بيعانوا من اضطرابات شديدة خلال المرحلة دي، وده بيحصل للأولاد اللي سنهم بين ٩ و١٤ سنة وللبنات اللي سنهم بين ٨ و١٣ سنة.2
تغيرات الجسم
خلال مرحلة البلوغ، جسمك بيكبر بشكل أسرع من أي وقت تاني في حياتك، باستثناء مرحلة الطفولة.
من المهم إنك تعرف التغييرات اللي بتسببها مرحلة البلوغ قبل ما تحصل عشان تتوقع ايه اللي ممكن يحصل. مهم برضو إنك تبقى عارف إن كل الناس بتمر بالتغييرات دي.1
البلوغ بيبدأ لما المخ بيفرز الهرمونات الجنسية للمبايض أو الخصيتين، وده ممكن يسبب تغيرات في الحالة النفسية وفي مستوى الطاقة، وده طبيعي في مرحلة البلوغ.2
هرمونات؟
- الهرمونات هي عبارة عن مواد كيميائية طبيعية بتشتغل زي المرسال في جسمك.3
- الهرمونات بتساعد على التحكم في طريقة عمل الخلايا والأعضاء في جسمك.3
- الهرمونات هي مواد كيميائية بتتحكم في طريقة عمل أعضاء الجسم. في الحالة دي، الهرمونات اللي في حبوب منع الحمل بتتحكم في المبيضين والرحم.
ايه هي الهرمونات؟
ايه هي الهرمونات وايه وظيفتها؟
باختصار، هي عبارة عن مواد كيميائية طبيعية موجودة في الجسم بتساعد أجهزة وأعضاء الجسم إنها تقوم بوظائفها صح.4
زي ما الهرمونات دي بتغير في شكل جسمك من بره، هي كمان بتعمل تغيرات في جسمك من جوه. زي ما جسمك بيحاول يتكيف مع كل الهرمونات الجديدة دي، عقلك كمان بيحاول يتكيف معاها. في فترة البلوغ، ممكن تحسي إنك متلخبطة، أو عاطفية زيادة بشكل محستيش بيه قبل كده. ممكن تحسي بالتوتر بسبب إن جسمك بيتغير.5
ممكن تحسي إنك حساسة زيادة أو إنك بتضايقي بسهولة. عشان كده المراهقين بيكونوا عصبيين زيادة، وبيتعصبوا على صحابهم وأهلهم.5
إزاي بتأثر الهرمونات على الدورة الشهرية؟
متوسط الدورة الشهرية هي ٢٨ يوم، بس بالنسبة لبعض الستات بتكون قصيرة ٢١ يوم، وبالنسبة لستات تانية ممكن توصل لـ ٣٥ يوم. كل شهر بيحصل تفاعل بين الغدة الدرقية في المخ والمبايض والرحم (أو جدار الرحم). أول مرة تجيلك الدورة الشهرية، ممكن تقعدي فترة لحد ما يبقى ليها نظام معين.6
أول يوم من الحيض هو اليوم الأول من الدورة الشهرية. وقتها بيبدأ الرحم يتخلص من البطانة اللي بناها في ال ٢٨ يوم اللي فاتوا. وبعد ما الدورة الشهرية تخلص، بتبدأ بطانة الرحم تتبني من جديد وبتبقى سميكة واسفنجية عشان تكون مستعدة لو حصل حمل. في اليوم الـ ١٤ (وده لمعظم الستات)، واحد من المبيضين بيطلع بويضة، واللي بتتحرك في طريقها لحد ما توصل لقناة الفالوب وبعدين للرحم (وده بنسميه التبويض). في اليوم الـ ٢٨ (وده لمعظم الستات)، لو محصلش حمل، بتبدأ بطانة الرحم إنها تتقطع. الدم اللي بتفقديه وقت الحيض بيبقى بطانة الرحم.6
إزاي بيحصل حمل؟
الحمل بيحصل لما الحيوانات المنوية من الزوج بتخصب بويضة الزوجة، وده ممكن يحصل حتى لو محصلش علاقة حميمة.7
وقت العلاقة الحميمة بيحصل قذف للسائل المنوي من العضو الذكري للمهبل. السائل المنوي للراجل (السائل اللي بيتفرز وقت القذف) بيبقى فيه ملايين الحيوانات المنوية. ممكن القذف الواحد يبقى فيه أكتر من ٣٠٠ مليون حيوان منوي.7
المبيض بيطلع بويضة واحدة أو أكتر (الإباضة) ١٢ - ١٦ يوم قبل الدورة اللي جاية. بتدخل الحيوانات المنوية جسم الزوجة من خلال المهبل، وبعدين تتنقل لعنق الرحم والرحم لحد ما توصل لقناة فالوب، واللي عندها بيحصل تخصيب للبويضة (الحمل). ممكن يحصل تخصيب للبويضة من الحيوانات المنوية اللي من السائل المنوي أو من قبل القذف.7
الهرمونات الموجودة في موانع الحمل بتعمل ايه؟
هي الهرمونات اللي موجودة في موانع الحمل بتشتغل إزاي؟ الهرمونات في وسائل منع الحمل مش بس بتمنع أن المبيض يفرز بويضة (الإباضة)، فيه أنواع منها بتمنع إن البويضة المخصبة تمسك (تتزرع) في الرحم، وفيه أنواع بيخلي عنق الرحم (فتحة الرحم) مخاطي عشان يبقى سميك ولزجة فيبقى صعب على الحيوانات المنوية إنها تتحرك وتوصل للبويضة.8
وسائل منع الحمل الهرمونية ممكن تثقي فيها لو استخدمتيها صح. يعني مثلًا لو الست نسيت تاخد حبوب منع الحمل في يوم من الأيام، ممكن المبيض يفرز بويضة (الإباضة) والست ممكن تبقى حامل.8
ده غير إن فيه أدوية ممكن تقلل من فاعلية وسائل منع الحمل الهرمونية زي: المضادات الحيوية، أو الأدوية اللي بتقلل ضغط الدم، أو اللي بتقلل الكوليسترول، أو الأدوية المضادة للفطريات، أو الأعشاب الطبية زي نبتة سانت جونز. وكمان لو حصل قئ أو إسهال، ممكن حبوب منع الحمل متبقاش فعالة بشكل كافي. الستات وقتها لازم تستخدم وسيلة تانية لمنع الحمل زي "الواقي مثلًا".8
إزاي موانع الحمل بتأثر على دورتي الشهرية؟
حبوب منع الحمل كانت في عبوات فيها ٢١ حبة فيها هرمونات و٧ حبوب فيها دواء وهمي (مفيهوش هرمونات). وقت ما بتخدي حبوب الدواء الوهمي، بيحصل نزيف خفيف زي فترة الحيض. بس دلوقتي فيه اختيارات كتيرة زي العبوات اللي فيها ٢٤ حبة فيها هرمونات و ٤ حبوب من الدواء الوهمي، وفيه كمان عبوات بتكون كلها حبوب هرمونية.9
الدراسات وضحت أن تأثير حبوب منع الحمل على الوزن بسيط جدًا، ده لو موجود أصلًا.9
الدورة الشهرية
- معظم البنات بتجيلها أول دورة شهرية لما بيبقى عندهم ١٢ سنة تقريبًا. لكن عادي إنها تجيلهم في أي وقت بين سن ١٠ و١٥ سنة.10
- دورتك الشهرية ممكن تكون خفيفة أو شديدة، وده طبيعي.11
- البنت تقدر تحمَل بمجرد ما الدورة الشهرية تبدأ. البنت تقدر تحمل قبل فترة الحيض الأولى مباشرةً، ده لإن هرموناتها بتكون نشطة وقتها. الهرمونات ممكن تكون حفزت الإباضة وبناء جدار الرحم. يعني لو البنت اتجوزت ومارست العلاقة الحميمة ممكن تحمَل رغم إن الدورة الشهرية عمرها ما جاتلها.10
ايه اللي بيحصل؟
ليه الحيض (الدورة الشهرية) بيحصل؟
الدورة الشهرية بتيجي بسبب تغيرات في هرمونات الجسم، والهرمونات هي عبارة عن رسل كيميائية. المبيض بيفرز هرمونات الإستروجين والبروجسترون، اللي بتحفز تكوين بطانة الرحم. بطانة الرحم بعد تكوينها بتكون جاهزة عشان تنغرس فيها البويضة المخصبة وتبدأ تكبر. لو مكانش فيه بويضة مخصبة، بطانة الرحم بتتكسر وتنزف. بعدها نفس العملية بتحصل من أول وجديد. معظم البنات بتجيلها أول دورة شهرية لما بيبقى عندهم ١٢ سنة تقريبًا. لكن عادي إنها تجيلهم في أي وقت بين سن ١٠ و١٥ سنة.10
إزاي الدورة الشهرية بتأثر عليكي؟
كتير من البنات بتعاني من تشنجات في الدورة الشهرية، خاصةً في الأول. لو كانت التشنجات بتزعجك، ممكن تجربي:
تحطي كمادات أو قربة دافية على بطنك.
فيه طرق كتير تقدري عن طريقها تتعاملي مع نزيف الدورة الشهرية.
ممكن تحتاجي تجربي الطرق دي عشان تلاقي الحل المناسب ليكي. فيه بنات بتستخدم طريقة واحدة، وفي بنات بتجرب كذا طريقة.
معظم البنات بتستخدم الفوط الصحية لما الدورة الشهرية بتبدأ. وكتير منهم شايف إن السدادات القطنية مناسبة أكتر من الفوط، وكتير برضو بيفضلوا كاس الدورة الشهرية.10
الدورة الشهرية والحمل
البنت تقدر تحمَل بمجرد ما الدورة الشهرية تبدأ. البنت تقدر تحمل قبل فترة الحيض الأولى مباشرةً، ده لإن هرموناتها بتكون نشطة وقتها. الهرمونات ممكن تكون حفزت الإباضة وبناء جدار الرحم. يعني لو البنت اتجوزت ومارست العلاقة الحميمة ممكن تحمَل رغم إن الدورة الشهرية عمرها ما جاتلها.10
DON’T MYTH WITH ME!
الأسئلة الشائعة
الأعراض دي بتكون بسبب التغيرات الهرمونية التي بتتميز بيها الدورة الشهرية، وبالنسبة لكتير من الستات، الأعراض دي بتكون شديدة لدرجة إنها ممكن تأثر على حياتهم اليومية – سواء على الجانب الشخصي أو العملي. تقريبًا ٣ من كل ٤ ستات بيعانوا من أعراض ما قبل الدورة الشهرية..12
طب ايه اللي لازم تكوني عارفاه:
أعراض ما قبل الدورة الشهرية بتتقسم لمجموعتين:
نفسية: الاحساس بالاكتئاب، نوبات غضب مفاجئة، هياج، قلق، ارتباك، رغبة في العزلة عن الناس.
جسمانية: ألم عند الضغط على الثدي، انتفاخ البطن، صداع، تورم الأطراف. لسه الباحثين في مجال الطب بيحاولوا يعرفوا بالظبط سبب الأعراض دي، بس هي أكيد مرتبطة بالتقلبات الهرمونية اللي بتحصل خلال الدورة الشهرية. فيه إثباتات بتقول إن بعض حبوب منع الحمل المركبة بتقلل من الأعراض دي. استشيري دكتورك لو كنتي بتشتكي من هذه الأعراض دي.12
تأخر الدورة الشهرية ليه أسباب كتير. أولها إنك ممكن تكوني حامل. لو كنتي حاسة إن ده السبب، تقدري تعملي اختبار حمل منزلي أو تزوري الدكتور وتعملي عنده فحص. وبالرغم من كده، فيه عوامل تانية ممكن تأخر دورتك الشهرية أو تمنعها من إنها تيجي، زي الأدوية أو الإجهاد أو النظام الغذائي أو ممارسة التمارين الرياضية والرضاعة.11
الستات اللي معاد دورتهم لسه مش مستقر أحيانًا بيعانوا، بالذات من التقلبات الهرمونية، لأنها ممكن تأخر الدورة الشهرية أو تمنعها من إنها تيجي.11
بالنسبة لبعض الستات، الألم الجسدي والضغط النفسي بيكون شديد لدرجة إنهم ممكن يأثروا على حياتهم اليومية. بغض النظر عن شدة الأعراض، بالنسبة لمعظم الستات، العلامات والأعراض بتختفي بشكل عام خلال أربع أيام بعد ما تبدأ الدورة الشهرية. لكن فيه عدد قليل من الستات المصابة بمتلازمة ما قبل الدورة الشهرية ودول بيعانوا من أعراض بتأثر على أنشطتهم اليومية كل شهر، وده بيكون اسمه "الاضطراب المزعج السابق للحيض". ومن أعراض "الاضطراب المزعج السابق للحيض": الاكتئاب، والتقلبات المزاجية، والغضب، والقلق، والاحساس بالارتباك، وصعوبة التركيز، والهياج والتوتر. لو كنتي مش عارفة تتأقلمي مع المتلازمة السابقة للدورة الشهرية من خلال عمل تغييرات في أسلوب حياتك وحسيتي إن أعراضها بتأثر على صحتك وأنشطتك اليومية، يبقى لازم تزوري الدكتور.12
أعراض ما قبل الدورة كتيرة أوي، بس معظم الستات بتعاني من عدد قليل من المشاكل دي.12
الأعراض النفسية زي: توتر أو قلق، اكتئاب، نوبات بكاء، تقلب الحالة النفسية أو الغضب المفاجئ، وبيحصل تغيرات في الشهية والرغبة القوية في الأكل، بيحصل مشاكل في النوم (أرق)، رغبة في العزلة عن الناس، ضعف في التركيز وتغيير في الرغبة في العلاقة الحميمة.12
الأعراض الجسمانية زي: وجع في المفاصل والعضلات، صداع، تعب، زيادة في الوزن بسبب احتباس السوائل، انتفاخ في البطن، ألم في الثدي، حبوب شباب وإمساك او إسهال.12
وسائل منع الحمل ممكن تخفف من وجع الدورة الشهرية وتقلل من مدتها. كمان ممكن تعالج مشكلة حب الشباب عند الستات.8
منع أو تقليل الدورة الشهرية هو علاج بيستخدم الأدوية لتقليل أو منع الدورة الشهرية. يعتبر الاختيار ده آمن لكل البنات والمراهقات بمجرد ما يكونوا عدوا بالحيض مرة واحدة على الأقل، وده طبعًا تحت رعاية الدكتور.
أي بنت أو مراهقة أو شابة بدأ الحيض عندها ممكن تستخدم الأدوية اللي بتقلل الدورة الشهرية أو بتوفقها وبطريقة آمنة. الدكاترة بتقترح منع أو تقليل الدورة الشهرية أحيانًا لأسباب طبية زي الدورات الشهرية الغزيرة، أو المؤلمة، أو التهاب بطانة الرحم. ممكن كمان منع أو تقليل الدورة الشهرية يساعد في حالات طبية تانية ممكن تسوء خلال فترات الحيض، زي الصداع والتشنجات ومتلازمة تسارع معدل ضربات القلب الانتصابي والألم المزمن.
البنات المصابات بإعاقة جسدية أو إعاقات في النمو ممكن يفضلوا منع أو تقليل الدورة الشهرية لو حسوا إن النظافة الشخصية صعبة. أخيرًا، بعض البنات ممكن تختار منع أو تقليل فترات الحيض عندهم لأنهم بيفضلوا إنهم ميتعرضوش لنزيف الحيض كل شهر.13
جسمك بيحتاج من شهر لـ ٣ شهور عشان يتعود على حبوب منع الحمل. في الأسبوع الأول، استخدمي وسيلة تانية لمنع الحمل مع الحبوب زي الواقي الذكري مثلًا. بعد ما تكوني بتاخدي الحبوب لمدة أسبوع كامل بانتظام، ممكن وقتها تستخدمي حبوب منع الحمل بس.14
المراجع:
1-Kids Health .All About Puberty . Available at : https://kidshealth.org/en/kids/puberty.html, Last Accessed : 7/7/2021.
2-Better Health Channel. Parenting children through puberty. Available at : https://www.betterhealth.vic.gov.au/health/healthyliving/Parenting-children-through-puberty, Last Accessed :7/72021.
3-Teens Health.Definition Hormones. Available at : https://kidshealth.org/en/teens/hormones.html#:~:text=Hormones,beta%20cells%20in%20the%20pancreas, Last accessed :(7/7/2021).
4-Teens Health . BirthsControl Pill . Available at : https://kidshealth.org/en/teens/contraception-birth.html, Last accessed :(7/7/2021).
5-Teens Health . Everything You Wanted to Know About Puberty. Available at : https://kidshealth.org/en/teens/puberty.html, Last accessed :(7/72021).
6-The women's. About Periods. Available at : https://www.thewomens.org.au/health-information/periods/periods-overview/about-periods, Last accessed :(7/7/2021).
7-NHS. Can I get pregnant if I have sex without penetration. Available at : https://www.nhs.uk/common-health-questions/pregnancy/can-i-get-pregnant-if-i-have-sex-without-penetration/#:~:text=It's%20possible%20for%20you%20to,partner%20ejaculates%20near%20your%20vagina, Last Accessed :(7/7/2021).
8-NCBI . Contraception: Hormonal contraceptives. Available at : https://www.ncbi.nlm.nih.gov/books/NBK441576/, last Accessed :(7/7/2021).
9-MayoClinic. Birth Control. Available at : https://www.mayoclinic.org/healthy-lifestyle/birth-control/in-depth/birth-control-pill/art-20045136, Last Accessed :(7/7/2021).
10-Teens Health . All About Period. Available at : https://kidshealth.org/en/teens/menstruation.html, Last Accessed :(7/7/2021).
11-Mayo's Clinic .Menstrual cycle: What's normal, what's not. Available at : https://www.mayoclinic.org/healthy-lifestyle/womens-health/in-depth/menstrual-cycle/art-20047186, Last Accessed :(7/7/2021).
12- MayoClinic. Premenstural Syndrome . Available at : https://www.mayoclinic.org/diseases-conditions/premenstrual-syndrome/symptoms-causes/syc-20376780, Last Accessed :( 7/7/2021).
13-Children's Hospital Colorado. Menstural Supression. Available at : https://www.childrenscolorado.org/doctors-and-departments/departments/pediatric-gynecology/pediatric-gyn-services/menstrual-suppression/, Last Accessed: (8/7/2021).
14-Clevland . Birth control :The Pill . Available at : https://my.clevelandclinic.org/health/drugs/3977-birth-control-the-pill, Last Accessed (7/72021).
PP-PF-WHC-EG-0024-1
