إي هي مراحل حياة المرأة؟
"يوكو تاكيدا" قالت في البحث بتاعها: "إن مراحل حياة المرأة النموذجية بتتقسم لمرحلة الطفولة، وبعدين مرحلة البلوغ (المراهقة)، وبعدين النضج الجنسي (سن الإنجاب)، وبعدين فترة انقطاع الطمث، وبعدين سنوات ما بعد انقطاع الطمث (الشيخوخة)" . خلونا نناقش كل مرحلة بتفصيل أكتر.
مرحلة الرضاعة والطفولة
في المرحلة دي، الأطفال الرضّع يستكشفوا محيطهم القريب، وبينخرطو في البيئة، وبيكتشفو هويتهم ورغباتهم. وده معناه برده إن بيحصل نمو اجتماعي وعاطفي والحاجة المهمة جدًا تكوين الروابط مع الأقارب وتقويتها، ومع التغذية الكافية والنوم الجيد، الأطفال بيحتاجو دفء واهتمام كبير، عشان التفاعلات المبكرة دي هتأثر على سلوكهم الاجتماعي في المستقبل.
مرحلة البلوغ
البنات في فترة البلوغ بتتعرض لتغيرات جسدية ونفسية سريعة بتساعدهم إنهم يوصلو للأنوثة الكاملة (زي تغير شكل الجسم، والنمو المتسارع، والدورات الشهرية الأولى، والتطور العاطفي الكبير)، بس ممكن برده تحصل شوية مشكلات صحية بتحتاج اهتمام خاص - في منها مشكلات جسدية زي مشكلات الشعر، والحيض غير المنتظم، وتكيس المبيضين، وفي منها مشكلات نفسية زي فقدان الشهية للأكل . وبالتالي لازم خلال الفترة دي الاستعانة بمتخصص كل أما كان ده ضروري، وكمان اتباع نظام غذائي متوازن والمحافظة على تناول كمية كافية من الكالسيوم، عشان الفترة دي مهمة جدًا للعظام.
سن الإنجاب
المرحلة دي اللي ممكن للمرأة فيها إنها تحمل وتجرب الأمومة بعد ما تكون أنوثتها الفعلية اكتملت. مع إن الفترة دي ممكن تكون مُرضية ومبهجة جدًا، بس ممكن تكون مرهقة وفيها بعض المشكلات الصحية المحتملة، زي مثلًا نزيف الرحم والأمراض المنقولة جنسيًا . وعشان كده مهم جدًا اتخاذ التدابير الوقائية الضرورية - والفحص الدوري لسرطان عنق الرحم والفحوصات الصحية ممكن يساعدو في تشخيص بعض الحالات بدري ومهم جدًا برده يكون في دعم (جسدي ونفسي) من متخصص طول الحمل، وأثناء الولادة وبعدها.
فترة انقطاع الطمث وسنوات الشيخوخة
مرحلة انقطاع الطمث بتحصل زي ما موقع كليفلاند كلينيك بيقول: "لما جسمك يتوقف عن إنتاج الهرمونات اللي بتسبب الدورة الشهرية وتنقطع الدورة الشهرية لمدة 12 شهرًا ورا بعض. ولما ده بيحصل، بتكوني في مرحلة ما بعد انقطاع الطمث. وبمعنى تاني، دي المرحلة التي بيتوقف فيها التبويض وبيكون الإنجاب مستحيل. مع إن مرحلة انقطاع الطمث هي مرحلة طبيعية وظاهرة عادية جدًا، بس فيها بعض المشكلات الصحية (زي الهبّات الساخنة، وخصوصاً خلال مرحلة انقطاع الطمث)، أو هشاشة العظام، أو أمراض القلب، أو حتى الزهايمر ". ولحسن الحظ، الفحوصات الصحية الدورية، وتناول الأدوية الصحيحة، واتخاذ خيارات نمط حياة جيدة ممكن تساعد في إنك تحافظي على صحة جسمك وعقلك.
References :
1-The Women's . Emergency contraception or the morning after pill. Available at : https://www.thewomens.org.au/health-information/contraception/emergency-contraception , Last Accessed :(6/7/2021)
2- NHS . How effective is emergency contraception? . Available at : https://www.nhs.uk/conditions/contraception/how-effective-emergency-contraception/ , Last Accessed :(7/6/2021).
3-NHS . Doing a pregnancy test . Available at : https://www.nhs.uk/pregnancy/trying-for-a-baby/doing-a-pregnancy-test/ , Last Accessed :(7/6/2021) .
WF0087A1272/122021
28/12/2022
PP-PF-WHC-EG-0049-1
